Idman.biz
2026-cı il dünya çempionatına vəsiqə uğrunda Bosniya-Herseqovuna və İtaliya arasında keçirilən pley-off oyunu başa çatıb.
Komandalar əsas vaxtda 1:1 hesabı ilə heç-heçə ediblər, lakin Bosniya komandası penaltilərdə 4:1 hesabı ilə qalib gəlib.
Moise Kean 15-ci dəqiqədə İtaliyanı irəli çıxarıb. Qonaqlardan Alessandro Bastoni 42-ci dəqiqədə qırmızı vərəqə alıb. Haris Tabakoviç isə 79-cu dəqiqədə Bosniya millisinin bərabərlik qolunu vurub.
2026-cı il dünya çempionatına vəsiqə uğrunda Çexiya və Danimarka arasında keçirilən pley-off oyunu başa çatıb.
Komandalar əsas vaxtda 2:2 hesabı ilə heç-heçə ediblər, lakin Çexiya komandası penaltilərdə 3:1 hesabı ilə qalib gəlib. Matç Praqadakı "EPET Arena"da keçirilib.
Üçüncü dəqiqədə Pavel Şults hesabı açaraq ev sahibi komandaya üstünlük qazandırıb. Yoahim Andersen 72-ci dəqiqədə hesabı bərabərləşdirib. Əlavə vaxtda Ladislav Kreyçi 100-cü dəqiqədə Çexiya komandasının ikinci qolunu vurub. Kasper Hoq 112-ci dəqiqədə hesabı bərabərləşdirib.
00:49
2026-cı il dünya çempionatına vəsiqə uğrunda Kosovo və Türkiyə arasında keçirilən pley-off oyunu başa çatıb. Komandalar Priştinadakı "Fadil Vokrri" Stadionunda oynayıblar. Türkiyə 1:0 hesabı ilə qalib gələrək dünya çempionatına vəsiqə qazanıb.
Yeganə qolu 53-cü dəqiqədə hücumçu Kərəm Aktürkoğlu vurub.
2026-cı il dünya çempionatına vəsiqə uğrunda İsveç və Polşa arasında keçirilən son pley-off oyunu başa çatıb. Stokholmdakı "Strawberry Arena"da keçirilən oyun İsveç millisinin 3:2 hesablı qələbəsi ilə başa çatıb və onlar DÇ-2026-ya vəsiqə qazanıblar.
İlk hissənin ortalarında ev sahibi komandanın cinah oyunçusu Entoni Elanqa hesabı açıb. 33-cü dəqiqədə qonaq yarımmüdafiəçi Nikola Zalevski hesabı bərabərləşdirib. 44-cü dəqiqədə İsveç müdafiəçisi Qustaf Laqerbilke qol vurub. 55-ci dəqiqədə polşalı hücumçu Karol Sviderski bərabərlik qolunu vurub. 88-ci dəqiqədə hücumçu Viktor Gyökeres İsveç millisinə qələbə qazandıran qolu vurub.
09:56
Bu gün futbol üzrə dünya çempionatının Avropa zonası üzrə pley-off mərhələsində final qarşılaşmaları baş tutacaq.
İdman.Biz xəbər verir ki, Türkiyə millisi səfərdə Kosovo ilə görüşəcək.
Qarşılaşma Bakı vaxtı ilə 22:45-də start götürəcək.
DÇ-2026-nın Avropa zonası üzrə pley-off oyunları
Final
31 mart
22:45. Bosniya Herseqovina - İtaliya
22:45. İsveç - Polşa
22:45. Kosovo - Türkiyə
22:45. Çexiya - Danimarka
Qeyd edək ki, bu il iyunun 11-dən iyulun 19-dək keçiriləcək DÇ-2026-ya ümumilikdə 48 komanda qatılacaq.
