Sport24.az
Futbol üzrə dünya çempionatının K qrupunda ikinci tur başa çatıb. Sport24.az xəbər verir ki, Qvadalxarada baş tutan görüşdə Kolumbiya millisi Konqo Demokratik Respublikası ilə qarşılaşıb.
İtaliyalı FIFA referisi Mauritsio Marianinin ədaləti qoruduğu matçın ilk hissəsində qapılara qol vurulmayıb. Fasilədən sonra oyuna nəzarət edən Cənubi Amerika təmsilçisi 76-cı dəqiqədə istəyinə çatıb. Daniel Munyos komandasını hesabda önə çıxarıb. Bu həm qol həm də oyunun taleyini həll edib. Ardıcıl iki oyunda qalib gələn Kolumbiya pley-offa vəsiqəni təmin edib.
Qeyd edək ki, qrupun digər oyununda Portuqaliya Özbəkistanı 5:1 hesabı ilə məğlub edib.
