Idman.biz
Bolqarıstan milli futbol komandasının keçmiş kapitanı və qapıçısı Borislav Mixaylov 63 yaşında vəfat edib.
İdman.Biz bildirir ki, bu barədə Bolqarıstan Milli Televiziyası məlumat verib.
O, 2025-ci ilin noyabr ayında insult keçirdikdən sonra xəstəxanaya yerləşdirilib.
Mixaylov 1983-cü ildən 1996-cı ilə qədər milli komandada oynayıb. Bu müddət ərzində o, 102 oyun keçirib, 1986 və 1994-cü illərdə dünya çempionatlarında, eləcə də 1996-cı ildə Avropa çempionatında iştirak edib. Klub səviyyəsində o, "Levski", "Belenenseş", "Myuluz", "Botev", "Redinq", "Slavia Sofiya" və "Sürix" klublarında oynayıb.
Bolqarıstan millisi 1994-cü ildə ABŞ-da keçirilən dünya çempionatında dörddəbir finalda sensasion şəkildə Almaniyanı (2:1) məğlub edərək yarımfinala yüksəlib və nəticədə dördüncü yeri tutub. Həmin millinin qapısını məhz Borislav Mixaylov qoruyub.
2005-ci ildən 2019-cu ilə qədər və 2021-ci ildən 2023-cü ilə qədər o, Bolqarıstan Futbol İttifaqının rəhbəri vəzifəsində çalışıb.
