Sport24.az
"Zirə"nin futbolçusu Ceyhun Nuriyev Premyer Liqada 100-cu matçını keçirib. Sport24.az Peşəkar Futbol Liqasının mətbuat xidmətinə istinadən xəbər verir ki, yarımmüdafiəçi bunu Misli Premyer Liqasının IX turunda "Sumqayıt"la ev matçında (1:0) reallaşdırıb.
O, qarşılaşmanın 73-cü dəqiqəsində meydana daxil olub.
Qeyd edək ki, hesabında 11 qol olan Nuriyev Premyer Liqada iki klubun formasını geyinib. 2020/2021 mövsümündə "Sabah"da debüt edən futbolçu ilk klubunda 46 (4 qol), "Zirə"də 54 (7 qol) dəfə şans qazanıb.
