Idman.biz
Bu gün UEFA Çempionlar Liqasının Liqa mərhələsinə start verilir.
İdman.biz xəbər verir ki, ilk oyun günündə 6 qarşılaşma baş tutacaq.
İlk qarşılaşmalar İspaniya və Niderlandda keçirilir. "Atletik" "Arsenal"ı "Eyndhoven" isə Belçikanın "Yunion" klubunu qəbul edir.
İspan və ingilis klublarının qarşılaşmasında birinci hissə qolsuz başa çatıb. İkinci hissədə 72-ci dəqiqədə Martinelli qonaqları irəli çıxarıb - 0:1
Niderland və Belçika təmsilçilərinin oyununda hesabı gözlənilmədən qonaqlar açıblar. 9-cu dəqiqədə David penaltidən qonaqları irəli çıxarıb - 0:1. 39-cu dəqiqədə Ayt-əl-Hac ikinci topu meydan sahiblərinin qapısından keçirib.
Günün son 4 oyunundan birində isə Azərbaycan çempionu "Qarabağ" meydana çıxacaq. Ağdam təmsilçisi Portuqaliyada "Benfika"nın qonağı olacaq.
UEFA Çempionlar Liqası
Liqa mərhələsi, I tur
16 sentyabr
20:45. "Atletik" (İspaniya) - "Arsenal" (İngiltərə) - 0 :1
Qollar: Martinelli (72)
20:45. PSV (Niderland) - "Yunion" (Belçika) - 0:2
Qollar: David (9, p), Ayt-əl-Hac (39)
23:00. "Real Madrid" (İspaniya) - "Marsel" (Fransa)
23:00. "Yuventus" (İtaliya) - "Borussiya" (Dortmund, Almaniya)
23:00. "Tottenhem" (İngiltərə) - "Vilyarreal" (İspaniya)
23:00. "Benfika" (Portuqaliya) - "Qarabağ" (Azərbaycan)
İdman.biz
