"Çelsi" "Tottenhem" üzərində qələbə qazandı, "Tottenhem" düşmə təhlükəsində

İngiltərə Premyer Liqasının 2025/2026 mövsümünün 37-ci turunun Londonun "Çelsi" və "Tottenhem Hotspur" komandaları arasında oyunu başa çatıb. Oyun Londondakı "Stemford Bridc" stadionunda baş tutub. Ev sahibi komanda matçı 2:1 hesabı ilə qazanıb.

"Çelsi"nin yarımmüdafiəçisi Enzo Fernandes matçın ilk qolunu 18-ci dəqiqədə vurub. Yarımmüdafiəçi Andrey Santos 67-ci dəqiqədə ev sahibi komandanın üstünlüyünü ikiqat artırıb, qonaq hücumçu Rişarlison isə 74-cü dəqiqədə fərqi azaldıb.

"Çelsi" İngiltərə Premyer Liqasında 37 oyundan 52 xalla səkkizinci yerdədir. "Tottenhem" Premyer Liqada 17-ci yerdədir. "Tottenhem"in 38 xalı var ki, bu da düşmə zonasından iki xal yuxarıdır.

00:28

İngiltərə Premyer-Liqasında sona bir tur qalmış mövsümün qalibi məlum olub.

İdman.Biz bildirir ki, bu, "Bornmut" - "Mançester Siti" qarşılaşmasından sonra aydın olub.

Matç 1:1 hesabı ilə qurtarıb.

Meydan sahiblərinin qolunu 39-cu dəqiqədə Eli Krupi vurub. 90+5-ci dəqiqədə Erlinq Holand hesabı bərabərləşdirib.

Beləliklə, "Mançester Siti" 37 oyundan 78 xal toplayaraq, lider "Arsenal"a (82 xal) çatmaq şanslarını itirib və londonlular çempion adını qazanıblar. Klub 22 ildən sonra bu nailiyyəti təkrar edib.

"Bornmut" isə 56 xalla 6-cı yerdədir və gələn il Çempionlar Liqasında oynamaq üçün şanslarını qoruyur.

10:25

Bu gün Avropanın yaşıl meydanlarında diqqətlər İngiltərə Premyerliqasına yönələcək.

İdman.Biz xəbər verir ki, turun oyunlarında həm çempionluq yarışı, həm də avrokuboklara vəsiqə mübarizəsi baxımından vacib nəticələr gözlənilir.

Qeyd edək ki, lider "Arsenal"dan (82) bir oyun az keçirən "Mançester Siti"nin 77 xalı var. Bu axşam qələbədən başqa istənilən nəticə sona bir tur qalmış "Arsenal"ın çempionluğu rəsmiləşdirəcək, əks halda, çempionluq yarışı sonuncu tura qalacaq.

49 xalla 10-cu pillədə olan "Çelsi" isə Konfrans Liqasına düşmək şansını itirməmək üçün vacib üç xalı qazanmalıdır. Eyni zamanda "Tottenhem" də yüksək liqada qalmaq mübarizəsi aparacaq.

Bu gün keçiriləcək oyunların siyahısını və Bakı vaxtı ilə başlama saatlarını təqdim edirik:

İngiltərə Premyerliqası
22:30 "Bornmut" - "Mançester Siti"
23:15 "Çelsi" - "Tottenhem"