Idman.biz
"Çelsi" "Şeffild Uensdey"in sol cinah müdafiəçisi Yisa Alaonun transferini elan edib.
İdman.Biz klubun rəsmi saytına istinadən bildirib ki, 17 yaşlı futbolçu "göylər"lə 2028-ci ilə qədər müqavilə imzalayıb.
Alao "Şeffild Uensdey" akademiyasından keçib və ötən ilin avqust ayında "bayquşlar"ın əsas komandasında debüt edib. O vaxtdan bəri o, daha dörd oyunda iştirak edib, o cümlədən "Brentford"a qarşı son İngiltərə Kuboku oyununda və "Portsmut"a qarşı Çempionşip matçında start heyətində yer alıb.
Müqavilənin dəyəri təxminən 500.000 funt sterlinq (575.000 avro) təşkil edir. Lakin bütün şərtlər yerinə yetirilərsə, müqavilə 1 milyon funt sterlinqi (1,15 milyon avro) keçə bilər.
23 oyundan sonra London klubu 37 xalla liqa turnir cədvəlində beşinci yerdədir. Lider "Arsenal"la fərq 13 xaldır.
