Idman.biz
Almaniya Bundesliqasının 26-cı turu çərçivəsində turnir cədvəlinin üst sıralarını maraqlandıran prinsipial qarşılaşma baş tutub. "Ştutqart" öz meydanında "Leyptsiq"i qəbul edib və minimal hesablı qələbəyə sevinib - 1:0.
İdman.Biz xəbər verir ki, gərgin keçən matçın taleyi ikinci hissədə həll olunub. Oyunun 56-cı dəqiqəsində Deniz Undav rəqib qapısına yol taparaq meydan sahiblərini önə keçirib. Qalan vaxt ərzində hesab dəyişməyib və bu qol "Ştutqart"a qızıl dəyərində üç xal qazandırıb.
Bu nəticədən sonra xallarının sayını 50-yə çatdıran "Ştutqart" Bundesliqada dördüncü pillədəki mövqeyini möhkəmləndirib. 47 xalı olan "Leyptsiq" isə beşinci yerdə qərarlaşıb.
23:44
Almaniya Bundesliqasının 26-cı turu çərçivəsində keçirilən "Frayburq" - "Union" qarşılaşması dramatik sonluqla yekunlaşıb. Meydan sahiblərinin üstünlüyü şəraitində keçən matçda qələbəni qonaqlar qazanıblar - 1:0.
İdman.Biz xəbər verir ki, oyunun böyük hissəsində tərəflər qapılara yol tapa bilməyiblər. Matçın taleyi hakim tərəfindən əlavə olunmuş vaxtda həll olunub. 90+2-ci dəqiqədə səhnəyə çıxan Çon U Yon dəqiq zərbə ilə "Union"u önə keçirərək komandasına səfər qələbəsini gətirib.
Bu nəticədən sonra xallarının sayını 31-ə çatdıran Berlin klubu turnir cədvəlində doqquzuncu pilləyə yüksəlib. 34 xalı olan "Frayburq" isə məğlubiyyətə baxmayaraq, səkkizinci mövqedəki yerini qoruyub.
20:43
Almaniya Bundesliqasının 26-cı turunda "Maynz" səfərdə "Verder"in qonağı olub. Görüş qonaqların 2:0 hesablı inamlı qələbəsi ilə başa çatıb.
İdman.Biz xəbər verir ki, "Maynz" matça sürətli başlayıb və artıq altıncı dəqiqədə Paul Nebelin vurduğu qolla hesabı açıb. İkinci hissənin əvvəlində, 52-ci dəqiqədə isə Li Ce Son fərqi ikiyə çatdıraraq komandasının qələbəsini rəsmiləşdirib.
Bu qalibiyyətdən sonra xallarının sayını 27-yə çatdıran "Maynz" dörd oyunluq qələbəsizlik seriyasını qıraraq Bundesliqada 13-cü pilləyə yüksəlib. 25 xalda qalan "Verder" isə 15-ci mövqeyə enib.
