Idman.biz
Almaniya Bundesliqasının 16-cı turunun "Sankt-Pauli" və "RB Leypsiq" komandaları arasında təxirə salınmış oyunu başa çatıb.
İdman.Biz bildirir ki, oyun 1:1 hesabı ilə bitib.
Yan Diomande 66-cı dəqiqədə "RB Leypsiq"i irəli çıxarıb. Martin Kaars 90+3-cü dəqiqədə penaltidən dəqiq zərbə endirərək hesabı bərabərləşdirib.
Bu oyundan sonra "Sankt-Pauli" Almaniyanın yüksək liqasında 14 xalla 17-ci, "RB Leypsiq" isə 36 xalla dördüncü yerdədir.
16-cı turdan təxirə salınmış digər oyunda "Verder" və "Hoffenhaym" üz-üzə gəliblər.
Matç 2:0 hesabı ilə "Hoffenhaym"ın xeyrinə qurtarıb.
19 turdan sonra "Hoffenhaym" 39 xalla üçüncü yerdədir. "Verder" isə 18 xalla 15-ci yerdə qərarlaşıb.
