Idman.biz
Futbol üzrə Braziliya millisinin azarkeşləri Nyu-Yorkun simvollarından biri olan Tayms-Skver meydanında möhtəşəm futbol bayramı təşkil ediblər.
İdman.Biz xəbər verir ki, azarkeşlər şəhərin mərkəzini Braziliya bayraqlarının yaşıl-sarı rənglərinə bürüyərək mahnılar oxuyub, rəqslər edib və əsl karnaval ab-havası yaradıblar.
Mundialın ABŞ-da start götürməsindən sonra baş tutan bu rəngarəng yürüş turnirin ilk günlərinin ən yaddaqalan hadisələrindən biri kimi qiymətləndirilir.
View this post on Instagram
Braziliyalı fanatlar komandanın Mərakeşlə qarşılaşması öncəsi böyük coşqu nümayiş etdirərək Nyu-Yorkun ən məşhur məkanlarından birini futbol bayramına çeviriblər. Qeyd edək ki, dünya çempionatında üçüncü günün oyunları çərçivəsində, 14 iyun, Bakı vaxtı ilə 02:00-da Braziliya Mərakeşlə qarşılaşacaq.
