Sport24.az
"Qarabağ" klubunun futbolçusu Bədavi Hüseynov Azərbaycan millisinin tarixinə düşüb. Sport24.az xəbər verir ki, 34 yaşlı müdafiəçi buna "FIFA Serias - 2026" turnirində nail olub.
Sent Lüsiya və Syerra Leone ilə matçlarda iştirak edən təcrübəli oyunçu Azərbaycan millisində ən çox matça çıxan üçüncü futbolçu olub.
Hüseynov bu turnirədək yığmada 78 qarşılaşmada iştirak etmişdi.
Oyunların sayını 80-ə çatdıran müdafiəçi sabiq qapıçı Kamran Ağayevi (79) geridə qoyub. Aslan Kərimovun da aktivində 80 matç var.
Hazırda rekord Rəşad Sadıqova məxsusdur - 111 oyun. Maksim Medvedev (81 oyun) ikinci pillədə qərarlaşıb.
