Sport24.az
"Bavariya" Çempionlar Liqasının 1/8 final mərhələsinin "Atalanta" ilə ikinci oyununa 16 yaşlı qapıçı ilə çıxa bilər. Sport24.az xəbər verir ki, bu barədə "AR" portalı məlumat yayıb.
"Bavariya"nın əsas qapıçısı və kapitanı Manuel Noyer baldır əzələsinin cırılmasından əziyyət çəkir. Yonas Urbiq isə "Atalanta"ya qarşı ilk oyunda (6-1) beyin silkələnməsi alıb.
Bundan əlavə, Sven Ulrayx Bundesliqada Leverkuzen "Bayer"i ilə matçda (1:1) adduktor əzələsini cırıb.
Mənbənin sözlərinə görə, bu qolkiperlərdən heç biri martın 18-nə qədər sıraya dönməsə, son iki oyunda ehtiyat oyunçular skamyasında olan 16 yaşlı Leonard Preskott start heyətində meydana çıxa bilər. Nyu-Yorkda anadan olan Preskott karyerasına "Union Berlin"də başlayıb və 2023-cü ildə "Bavariya"nın akademiyasına keçib.
