Idman.biz
"Barselona"nın cinah oyunçusu Runi Barci dizindəki ön çarpaz bağın cırılması səbəbindən əməliyyatdan uğurla keçib.
İdman.Biz bildirir ki, "Blaugrana"nın rəsmi açıqlamasına görə, əməliyyat klubun tibbi heyətinin nəzarəti altında Barselona xəstəxanasında aparılıb.
Klub oyunçunun dəqiq sağalma müddətini açıqlamır, lakin Barcinin uzun müddət sıradan çıxacağı aydındır. Mediada yayılan məlumatlara görə, o, təxminən altı-yeddi ay ərzində geri dönə bilər, baxmayaraq ki, bu cür zədələrdən sonra reabilitasiya çox vaxt daha uzun çəkir.
Bu, cinah oyunçusunun karyerasında ilk belə zədə deyil; 2024-cü ilin may ayında o, "Kopenhagen"də oynayarkən sağ dizindəki çarpaz bağı zədələyib.
Barci 2025-ci ilin yayında "Barselona"ya qoşulub. Bu müddət ərzində hücumçu bütün yarışlarda 28 oyun keçirib, iki qol vurub və dörd məhsuldar ötürmə edib. Oyunçunun klubla hazırkı müqaviləsi 2029-cu ilin yayına qədərdir. Transfermarkt portalında verilən məlumata görə, oyunçunun bazar dəyəri 15 milyon avrodur.
