Sport24.az
"Barselona" Şeyn Kluivertlə müqavilənin müddətini uzadıb. Sport24.az xəbər verir ki, bu barədə Kataloniya klubunun rəsmi saytı məlumat yayıb.
Tərəflər arasında yeni sözləşmə 2028-ci ilin yayına qədər qüvvədə olacaq.
"Barselona" və Niderland millisinin keçmiş hücumçusu Patrik Kluivertin kiçik oğlu olan 18 yaşlı Şeyn "Barselona"nın akademiyasına 2017-ci ildə qoşulub.
Qeyd edək ki, o, hələ klubun böyüklər komandasında debüt etməyib, lakin UEFA Gənclər Liqasında (7 oyun, 3 qol) və "Barselona"nın gənclər komandasında Sequnda Federasionda (İspaniyanın dördüncü ən güclü divizionu) oynayıb (16 oyun, 2 qol və 2 məhsuldar ötürmə).
