Idman.biz
İspaniyanın "Barselona" və Madridin "Real" klubları bu gün keçiriləcək Superkubok finalında üz-üzə gələcəklər.
İdman.Biz xəbər verir ki, Səudiyyə Ərəbistanının Ciddə şəhərində yerləşən "King Abdullah Sports City" stadionunda keçiriləcək matçın baş hakimi Xose Munuera Montero olacaq.
Komandaların start heyətləri açıqlanıb:
"Barselona": Joan Qarsiya, Kunde, Kubarsi, Erik Qarsiya, Balde, Pedri, de Yonq, Fermin, Yamal, Rafinya, Levandovski.
"Real": Kurtua, Heysen, Asensio, Valverde, Karreras, Çuameni, Kamavinqa, Bellinqem, Rodriqo, Vinisius, Qonsalo Qarsiya.
Xatırladaq ki, yarımfinal mərhələsində katalonlar Bilbao təmsilçisi "Atletik"i 5:0 hesabı ilə darmadağın ediblər. Madrid klubu isə "Atletiko"nu 2:1 hesabı ilə məğlub edib.
Qeyd edək ki, "Barselona" turnirin son qalibidir. Keçən mövsümün finalında katalon klubu "Real"ı 5:2 hesabı ilə məğlub edərək kuboku qazanmışdı.
