Idman.biz
İspaniyanın "Barselona" klubu heyətinə gənc futbolçu cəlb etdiyini rəsmən elan edib.
İdman.Biz xəbər verir ki, La Liqa nəhəngi Misirin "Əl-Əhli" klubunda çıxış edən 18 yaşlı Hamza Abdelkarimi icarə əsasında transfer edib.
Tərəflər arasında əldə olunan razılaşmaya əsasən, futbolçu 2026-cı il iyunun 30-dək "Barselona"nın formasını geyinəcək.
Kataloniya klubunun rəsmi açıqlamasında bildirilir ki, müqavilədə mövsümün sonunda futbolçunun tam hüquqlu transferi üçün satınalma bəndi də yer alır. Gənc oyunçunun adı son aylarda "Barselona" ilə bağlı transfer xəbərlərində tez-tez hallanırdı və klub rəhbərliyi onu uzun müddətdir izləyirdi.
Qeyd edək ki, Hamza Abdelkarim "Əl-Əhli"nin perspektivli gənc futbolçularından biri hesab olunur və onun transferi "Barselona"nın gələcək üçün planlarının tərkib hissəsi kimi dəyərləndirilir.
