Report.az
"Barselona" klubu yetirməsi Mark Kukurelyanı heyətinə qaytarmağı düşünür.
"Report" "El Nacional"a istinadən xəbər verir ki, 27 yaşlı cinah müdafiəçisi yenidən karyerasını İspaniyada davam etdirə bilər.
İngiltərənin "Çelsi" klubunun oyunçusu da Kataloniya komandasına dönmək istədiyini gizlətməyib.
Kukurelya İspaniya millisindəki komanda yoldaşları Lamin Yamal və Pedri ilə danışıb. Onlar müdafiəçiyə "Barselona"ya qayıtmağı məsləhət görüblər.
Xatırladaq ki, M. Kukurelyanın London təmsilçisi ilə 2028-ci ilin yayınadək nəzərdə tutulan müqaviləsi var.
