Sport24.az
"Barselona" Madrid "Atletiko"sunun hücumçusu Julian Alvaresin əvəzinə "Bornmut"un 19 yaşlı hücumçusu Eli Krupini transfer edə bilər. Sport24.az xəbər verir ki, bu barədə Sport.es portalı məlumat yayıb.
Mənbənin sözlərinə görə, Kataloniya klubunun idman departamenti gənc oyunçunu çox bəyənib. Lakin bir məsələ var ki, "Bornmut" 100 milyon avrodan aşağı təklif göndərən maraqlı tərəflərin istəyini geri çevirəcəyi ilə bağlı xəbərdarlıq edib. Digər aparıcı klublar da oyunçuya maraq göstərirlər. PSJ və "Arsenal" Krupinin oyununu izləyir.
Qeyd edək ki, hücumçu ötən mövsüm "Bornmut"da 35 oyun keçirib və 13 qol vurub. Onun klubla müqaviləsi 2030-cu ilin yayına qədərdir.
