İspaniya La Liqasının XIII turu çərçivəsində "Barselona" doğma meydanda "Vilyarreal"ı qəbul edib.
Oxu.Az xəbər verir ki, Barselonadakı "Spotify Kamp Nou" stadionunda keçirilən görüş meydan sahiblərinin 3:2 hesablı qələbəsi ilə başa çatıb.
Qarşılaşmanın beşinci dəqiqəsində qonaqların müdafiəçisi Teycon Byukenen hesabı açıb. İki dəqiqə sonra hücumçu Tani Oluvaseyi "Vilyarreal"ın üstünlüyünü iki topa çatdırıb.
57-ci dəqiqədə "Barselona"nın müdafiəçisi Xerard Martin fərqi azaldıb, dörd dəqiqə sonra yarımmüdafiəçi Fermin Lopes hesabı bərabərləşdirib. Kataloniyalılara qələbəni 67-ci dəqiqədə rəqib komandanın müdafiəçisi Pau Navarronun avtoqolu gətirib.
Bu qələbədən sonra 36 xalla "Barselona" İspaniya çempionatının turnir cədvəlinə başçılıq edir. "Vilyarreal" isə 15 xalla 11-ci pillədə qərarlaşıb.