Sport24.az
"Xidmətimdə maraqlı olan klublar var. Səmimi deyim ki, aralarında elita təmsilçisi yoxdu. Hamısı I Liqada mübarizə aparanlardı. Hələlik hansısa klubla danışıqlar masası arxasına oturmamışıq". Bu sözləri Sport24.az-a açıqlamasında Şahin Zəkiyev deyib.
24 yaşlı qolkiper ölkə xaricinə yollanmaq ehtimalının olduğunu da bildirib: "Legioner həyatı yaşamaq ehtimalı böyükdü. Hazırda Slovakiyanın II liqa klubundan təklif var. Amma qarşı tərəfə konkret cavab verməmişəm. Seçim zamanı tələsmək istəmirəm. Qarşıdakı günlərdə bu barədə qərarımı verəcəm".
Qeyd edək ki, son mövsümü I Liqada mübarizə aparan "Karvan"da keçirən Zəkiyev yevlax təmsilçisinin heyətində cəmi 2 oyunda meydana çıxıb və qapısında 3 qol görüb.
ABDULLA İSMAYILOĞLU
