Report.az
Azərbaycanın U-16 millisinin üzvləri III MDB Oyunlarında keçirəcəkləri növbəti matçda ancaq qələbə qazanmağı düşünür.
"Report" xəbər verir ki, bunu yığmanın üzvü Xəzər Hüseynzadə millinin yer aldığı A qrupunda Tacikistanla oyundan sonra deyib.
13 yaşlı futbolçu vacib qələbə qazandıqlarını deyib:
"Tacikistan keyfiyyətli rəqib idi. İlk hissədə qol vurduq. İkinci hissədə də yaxşı oynayıb qələbə qazandıq. Qol sevincinin üzərində məşqlərdə çalışırdıq. Oyunda da tətbiq etdik. Növbəti rəqibiniz güclüdür, ancaq qələbə fikirləşirik və çempionluğa oynayırıq".
Qeyd edək ki, III MDB Oyunlarında futbol yarışlarına oktyabrın 4-də yekun vurulacaq.
III MDB Oyunları Futbol Azərbaycan U-16 millisi Xəzər Hüseynzadə
