Sport24.az
Bu gün futbol üzrə Azərbaycan Kubokunda I təsnifat mərhələsinə yekun vurulacaq. Sport24.az xəbər verir ki, son oyun günündə 2 görüş baş tutacaq.
Hər iki qarşılaşma bölgədə keçiriləcək. "Göygöl" "doğma divarlar" arasında "Şəmkir"i qəbul edirsə, "Quba" eyniadlı rayonda "Xankəndi" ilə üz-üzə gələcək. Hər iki matç PFL-in "AzPFL" yutub kanalında canlı yayımlanacaq.
Qeyd edək ki, dünən baş tutan görüşlərdə "Ağstafa Gəncləri" "Şirvan"ı (1:0), "Qaradağ Lökbatan" "Ağdaş"ı (8:0) "Sheki City" "Araz-Saatlı"nı (3:2), "Dinamo" isə əlavə vaxtda "Kür-Araz"ı (3:2) məğlub edərək Azərbaycan Kubokunun II təsnifat mərhələsinə yüksəliblər.
Azərbaycan Kuboku
I təsnifat mərhələsi
10 oktyabr
14:00. "Göygöl" – "Şəmkir"
Hakimlər: Murad Səlimov, Eyyub İbrahimov, Samir Qaracayev, Rövşən Rəcəbov.
Hakim-inspektor: Əmrah İbrahimov.
AFFA nümayəndəsi: Mübariz Hüseynov.
Göygöl. Olimpiya İdman Kompleksinin stadionu
14:00. "Quba" – "Xankəndi"
Hakimlər: Emin Əliyev, Kərim Zeynalov, Zakir Şükürzadə, İslam Məmmədov.
Hakim-inspektor: Zöhrab Qədiyev.
AFFA nümayəndəsi: Yavər Rəhimov.
Quba. Olimpiya İdman Kompleksinin stadionu
