Idman.biz
Bu gün Azərbaycan kubokunda yarımfinal mərhələsinə yekun vurulacaq.
İdman.biz xəbər verir ki, cavab oyunları çərçivəsində iki matç baş tutacaq.
Hər iki qarşılaşma Bakıda keçiriləcək. Ölkənin iki ən titullu klubu "Qarabağ"la "Neftçi" ilk oyundakı məğlubiyyətin əvəzini çıxmağa çalışacaq.
Ağdam klubu "Araz-Naxçıvan"ı qəbul edəcək. Titulunu qorumağa çalışan Qurban Qurbanovun yetirmələri minimalhesablı məğlubiyyətin revanşını almaq əzmindədirlər.
"Neftçi" isə "Sabah"ın qonağı olacaq. Samir Abasovun yetirmələri uğursuz mövsümü xilas etmək üçün derbidən üzüağ çıxmalıdır.
Qeyd edək ki, kubokun final oyunu mayın 31-də Mehdi Hüseynzadə adına Sumqayıt şəhər stadionunda keçiriləcək.
Azərbaycan kuboku
1/2 final, cavab oyunları
23 aprel (çərşənbə)
17:00. "Qarabağ" – "Araz-Naxçıvan"
Baş hakim: Rəvan Həmzəzadə
Tofiq Bəhramov adına Respublika Stadionu
İlk oyun – 0:1
20:00. "Sabah" – "Neftçi"
Baş hakim: İnqilab Məmmədov
"Bank Respublika Arena"
İlk oyun – 2:1
İdman.biz
