İdman.biz
Azərbaycan çempionatının I Liqasında oynamaq uğrunda pley-off matçı ilə bağlı qeyri-müəyyənlik yaranıb.
İdman.biz xəbər verir ki, PFL bu görüşlərlə bağlı yekun qərar veriləcəyini açıqlayıb.
2024/25 mövsümündə I Liqada çıxış etmək uğrunda cari mövsüm I Liqada 9-cu yeri tutmuş klubla II Liqada 2-ci olmuş klub arasında keçirilməli olan pley-off qarşılaşmaları ilə bağlı müəyyən hüquqi məsələlərin həllindən sonra yekun qərar veriləcək. Bu qərar dəqiqləşdikdən sonra açıqlanacaq.
2024/25 mövsümündə II Liqada çıxış etmək üçün cari mövsüm II Liqada 13-cü yeri tutan komanda ilə AFFA Region Liqasının finalçısının qarşılaşmaları isə baş tutacaq. II Liqada oynamaq üçün pley-off matçları isə əvvəlcədən nəzərdə tutulduğu kimi 29 may və 4 iyun tarixlərində oynanılacaq.
Qeyd edək ki, pley-offda I Liqanın 9-cusu "Difai Ağsu" və II Liqanın 2-cisi "Cəbrayıl" oynamalı idi.
İdman.biz
