Sport24.az
"Mövsümün son turu gərginliyi ilə diqqət çəkəcək. Hər komanda çempionatı major notlarla bitirmək istəyir". Bu sözləri Sport24.az-a açıqlamasında Azər Bağırov deyib.
Gənc mütəxəssis avrokuboklar vəsiqə uğrunda mübarizə aparan komandaların şanslarını da dəyərləndirib: "Hər 4 komanda meydanda sona kimi döyüşəcək. Məni müsbət mənada təəccübləndirən bu mövsüm "Sumqayıt" oldu. Samir Abasov iddialı komanda formalaşdırıb. Onlar öz oyunları bəlkə də çoxlarını təəccübləndirdilər. Fikrimcə, "kimyaçılar" mövsümboyu çəkdikləri əziyyətin qarşılığını görəcəklər. 'Sumqayıt"ı "Sabah"dan daha şanslı hesab edirəm. Subyektiv fikrimdi, "Zirə", "Neftçi" və "Sumqayıt" qitəmiqyaslı turnirə vəsiqə qazanacaq".
Bağırov adının I Liqa təmsilçisi "İmişli" ilə yanaşı hallanmsına və İtaliyaya gözlənilən səfərindən də danışıb: "Adımın bir çox klublarla, o cümlədən "İmişli" ilə yanaşı hallanmasını mətbuatdan oxuyuram. Mənə heç bir təklif gəlməyib. Amma pessimizmə qapılmıram. İşsiz qalmağım inşallah, çox çəkməz. İtaliyaya təkmilləşdirmə və təcrübə kurslarına yollanmağıma gəlincə, belə plan var. Sadəcə, hələlik bəzi yeniliklərin reallaşmasımı gözləyirəm. Ondan sonra əlaqələrimi işə salıb İtaliyaya yollanacam".
ABDULLA İSMAYILOĞLU
