Lent.az
Analitik şirkəti Football Benchmark son hesabatını hazırlayıb. Ən maraqlı qrafiklərdən biri klub dəyərlərinin son on ildəki artımıdır.
Lent.az-ın xəbərinə görə, ilk 10-luğa Premyer Liqadan altı, La Liqadan iki, Bundesliqa və Liqa 1-dən isə bir klub daxildir. İngiltərəni "Mançester Siti", "Mançester Yunayted", "Arsenal", "Liverpul", "Tottenhem" və "Çelsi2, İspaniyanı "Real" və "Barselona", Almaniyanı "Bavariya" və Fransanı PSJ təmsil edir.
2016-cı ildə "Yuventus" ilk onluqda idi, lakin indi 14-cü yerə düşüb, əvvəllər 12-ci yerdə olan "Tottenhem" isə doqquzuncu yerə yüksəlib.
Dünyanın ən dəyərli klubu olan "Real"ın dəyəri 2,905 milyard avrodan 7,725 milyard avroya yüksəlib. Onun əsas rəqibi və təqibçisi olan "Barselona"nın dəyəri ikiqat artaraq 2,758 milyard avrodan 5,918 milyard avroya çatıb.
Üç ingilis klubu onlardan çox geridədir: "Mançester Siti" (5,1 milyard avro), "Mançester Yunayted" (5,09 milyard avro) və "Arsenal" (4,93 milyard avro).
Ən əhəmiyyətli sıçrayışı 2016-cı ildə 843 milyon funt sterlinq dəyərində olan PSJ edib və hazırda 4,52 milyard funt sterlinqə çatıb. İkinci yerdə "Tottenhem" (801 milyon - 3,58 milyard) qərarlaşıb.
