Sport24.az
"Yəqin ki, heyətdə rotasiyalar olacaq. Bəhlul Mustafazadənin yoxluğu müdafiə xəttində çıxışımızı şübhə altına salır." Bu sözləri Sport24.az-a açıqlamasında Aslan Kərimov deyib.
Təcrübəli mütəxəssis bu gün keçiriləcək Azərbaycan - Slovakiya oyununu barədə fikirlərini bildirib. Kərimov millimizin doğma meydanda oynamasını üstünlük saydığını vurğulayıb: "Slovakiya yığması ilə oynamaq çətin olacaq. 3 gündən bir oyuna çıxmaq bizim yaralı yerimizdir. Qələbə qazanacağımıza inanmıram. Yalnız azarkeşlərimizin önündə oynamağımız üstünlüyümüzdür. Yorğunluğa rəğmən, Slovakiyaya qarşı gözəl oyun nümayiş etdirə bilərik. Bu qrupda 4-cü yeri tutmaq bizim üçün faciədir".
Qeyd edək ki, Azərbaycan Slovakiya oyunu bu gün Tofiq Bəhramov adına respublika stadionunda keçiriləcək. Oyunun start fiti 20:00-da səslənəcək.
