Sport24.az
"Arsenal"ın yarımmüdafiəçisi Mikel Merino sağ ayağındakı sümük zədəsi səbəbindən əməliyyat etdirəcək. Sport24.az xəbər verir ki, bu barədə klubunu mətbuat xidməti məlumat yayıb.
29 yaşlı futbolçu yaxın günlərdə əməliyyat olunacaq və daha sonra bərpa-reabilitasiya prosesinə başlayacaq. Onun uzun müddət yaşıl meydanlardan uzaq qalacağı gözlənilir, lakin mövsümün sonuna qədər tam məşqlərə qayıtması hədəflənir.
Qeyd edək ki, Mikel Merino Premyer Liqanın 23-cü turu çərçivəsində "Mançester Yunayted"lə oyunda zədələnib.
