Sport24.az
İngiltərənin "Arsenal" klubu Dortmund "Borussiya"sının yarımmüdafiəçisi Yulian Brandt ilə maraqlanır. Sport24.az xəbər verir ki, bu barədə "Metro" məlumat yayıb.
Mənbənin sözlərinə görə, 29 yaşlı futbolçu karyerasını xaricdə davam etdirmək niyyətindədir. Onun üçün İngiltərə, İspaniya və İtaliya çempionatları mümkün variantlar kimi göstərilir. "Topçular" isə azad agent kimi komandadan ayrılacaq almaniyalı yarımmüdafiəçini bu yay heyətinə qatmaq niyyətindədir.
Qeyd edək ki, Brandt bu mövsüm bütün turnirlərdə "sarı-qaralar"ın heyətində 32 rəsmi matçda 10 qol vurub və 3 məhsuldar ötürmə ilə yadda qalıb.
