"Qarşıda bizi 2 çətin oyun gözləyir".
İdman.biz xəbər verir ki, bunu Azərbaycan millisinin məşqçisi Arif Əsədov Albaniya ilə oyundan əvvəl təşkil olunan mətbuat konfransında deyib.
O bildirib ki, millimiz tam heyətlə 3 məşq keçib: "Komanda şəklində 3 məşq etmişik. Bu məşqlərdə taktiki cəhətdən daha çox işlədik. Bolqarıstanla son oyundakı planımızı daha da təkmilləşdirməyə çalışdıq. Yoldaşlıq oyunu olsa da, qələbə qazanmaq arzusundayıq. Buna nə qədər nail olacağıq zaman göstərəcək".
Qeyd edək ki, Azərbaycan – Albaniya qarşılaşması sabah Macarıstanda keçiriləcək.
İdman.biz