Sport24.az
"Bu mövsüm bizim üçün enişli-yoxuşlu keçdi. Uğurlu seriya yaxalayıb bir ara ilk "3-lük" də yer alsaq da, mövqeyimizi qoruya bilmədik. Nəticədə finişə 8-ci çatdıq". Bu sözləri Sport24.az-a açıqlamasında "Araz-Naxçıvan"ın futbolçusu Kadiri Mohammed deyib.
Qanalı futbolçu "Qarabağ"la son oyunu şərh etməklə yanaşı, gələcək karyerasından da söz açıb: "Mövsümün müsbət notlarla başa vurmaq istədik. Ona görə də "Qarabağ"a qarşı yaxşı oynadıq. Deyərdim ki, mövsümdə ən yaxşı oyunlarımızdan birini keçirdik. Qələbə qazana bilməsək də, məğlubda olmadıq. Əsas odur ki, "futbol ili"ni baxımlı oyun və xal qazanmaqla tamamladıq. Karyerama gəlincə, mövsüm bitən kimi azad agent olacam. İstənilən komandaya keçə bilərəm. Təklifləri dəyərləndirəcəm. Kim sərfəli dəvət göndərsə həmin komandanı da seçəcəm".
Qeyd edək ki, qanalı legioner başa çatan mövsümdə "Araz-Naxçıvan"ın heyətində 31 oyuna çıxıb və 3 qolla yadda qalıb.
ABDULLA İSMAYILOĞLU
