Sport24.az
Təcrübəli italiyalı mütəxəssis Antonio Konte adının İtaliya milli komandası ilə hallanmasına münasibət bildirib. Sport24.az xəbər verir ki, mütəxəssis İtaliya Futbol Federasiyası ilə arasında hər hansı bir razılığın olmadığını açıqlayıb:
"Hazırda mənimlə federasiya arasında heç nə yoxdur. Gələcəkdə nə olacağını isə zaman göstərəcək, görəcəyik".
Konte federasiyanın iddialı və böyük bir baş məşqçi gətirməyə hazır olub-olmaması ilə bağlı suala da toxunub. O, qurumun hazırkı vəziyyətini xatırladaraq maraqlı bir namizəd irəli sürüb:
"Hələ federasiyanın prezidenti belə müəyyənləşməyib. Amma mətbuatda Pep Qvardiolanın adı hallanır. Əgər məndən soruşsalar, mən də mütləq Pepi məsləhət görərəm. Ancaq belə bir addımı reallaşdırmaq üçün onların kifayət qədər maliyyəsi varmı? Əsas məsələ budur".
Təcrübəli baş məşqçi gələcək planları barədə danışarkən, hazırda heç bir klub və ya federasiya ilə rəsmi anlaşmasının olmadığını bir daha qətiyyətlə vurğulayıb.
