Sport24.az
"Barselona"nın və Braziliya millisinin hücumçusu Rafinyaya DÇ-2026-nın seçmə mərhələsində Boliviya ilə oyunda istirahət verilə bilər. Sport24.az xəbər verir ki, bu barədə AS nəşri məlumat yayıb.
Braziliya yığmasının baş məşqçisi Karlo Ançelotti 28 yaşlı futbolçuya istirahət verməyi planlaşdırır. Oyunçunun sözügedən görüşə ehtiyat heyətdə başlayacağı gözlənilir.
Qeyd edək ki, Braziliya artıq ABŞ, Kanada və Meksikada təşkil olunacaq dünya çempionatına vəsiqəni təmin edib. Karlo Ançelotti bu ilin mayında yığmanın baş məşqçisi təyin olunub. İtaliyalı mütəxəssis bundan öncə "Real"ı çalışdırıb.
Boliviya - Braziliya matçı sentyabrın 10-u, Bakı vaxtı ilə saat 02:30-da başlayacaq.
