Idman.biz
"Mançester Yunayted"in baş məşqçisi Ruben Amorim İngiltərə Premyer Liqasının 18-ci turunda "Nyukasl Yunayted"ilə oyunu yumorla şərh edib.
İdman.Biz bildirir ki, oyun 1:0 hesabı ilə "Mançester Yunayted"in qələbəsi ilə yekunlaşıb.
"Qapımızı quru saxladıq. Dörd müdafiəçini meydana buraxdıq. Düşünmürəm ki, mətbuat konfransına ehtiyacım var. Kobbi Maynu zədəlidir, ona görə də başqa bir şey deməyə ehtiyac yoxdur. Evə gedib "Boxing Day"dən həzz ala bilərik.
Üç xal qazandıq və sabah heç kim bu oyunun necə keçdiyini xatırlamayacaq. Ona görə də növbəti oyuna keçək", - deyə Amorim klubun rəsmi saytında bildirib.
"Mançester Yunayted" hazırda Premyer Liqanın turnir cədvəlində 29 xalla beşinci yerdədir.
