İspaniya millisinin hücumçusu Alvaro Morata komandanın 2024-cü il Avropa çempionatında şansları haqda fikirlərini bölüşüb. Sport24.az UEFA-nın saytına istinadən xəbər verir ki, ispaniyalı futbolçu AÇ-2024-ü qazanmağın olduqca çətin olduğunu bildirib:
"İspaniya bu turnirdə qalib gəlmək istəyirik. Sonuncu dəfə yarımfinala çıxmışdıq, ondan əvvəl isə 1/8 finalda oynamışdıq. AÇ-2024-ü qazanmaq olduqca çətindir, amma bizim böyük komandamız var. Ciddi qrupda oynayacağıq. Başa düşürük ki, bizi çətin rəqiblər gözləyir, lakin komanda buna hazırdır".
AVRO-2024 iyunun 14-dən iyulun 14-dək Almaniyada keçiriləcək. İspaniya millisi turnirə Xorvatiya ilə matçla start verəcək.