Sport24.az
"Məqsədimiz bu cür stabil səviyyədə qalmaqdır". Sport24.az xəbər verir ki, bunu Almaniya millisinin baş məşqçisi Yulian Naqelsman Macarıstanla keçirilən AVRO-2024-ün qrup mərhələsinin II turunun oyunundan sonra mətbuat konfransında deyib.
36 yaşlı mütəxəssis qələbə qazandıqlarına baxmayaraq, oyunun çətin keçdiyini söyləyib: "Qarşılaşmanın gedişində səbr etməli olduğumuz anlar yarandı. Belə olduqda daha da böyüyürsən. Məqsədimiz bu cür stabil səviyyədə qalmaqdır. Rəqib bəzi vaxtlarda bizə narahatlıqlar yaradırdı. Qalib gəlmək istəyirdik və bunu bacardıq".
Qeyd edək ki, A qrupunun matçında Almaniya Macarıstan yığmasına 2:0 hesabı ilə qalib gəlib.
