Sport24.az
"4 komanda avrokuboklara yollanmaq şansını saxlayır ki, bu səbəbdən Premyer Liqanın son turu maraqlı və gərgin keçəcək".Bu sözləri Sport24.az-a açıqlamasında Ağasəlim Mircavadov deyib.
Mircavadov son tur ərəfəsində 4 komandanın şanslarını da dəyərləndirib: "Baş məşqçilərin futbolçuları həlledici oyuna necə motivasiya etməsindən çox şey asılıdı. Bu çox vacibdi. Proqnoza gəlincə, "Zirə"ni daha şanslı hesab edirəm. Onlar "Səbail" məğlub edəcəklər. Həmçinin qəsəbə təmsilçisinin qarşıda kubokun final matçıda gözləyir. Samir Abasov "Sumqayıt"da çox işlər görüb. "Kimyaçılar"ın yegana çatışmazlığı ehtiyat skamyasının kasadlığıdı. Onların ehtiyatda güclü futbolçuları olsaydı, hazırda daha yuxarı pillədə qərarlaşardılar. Məncə, "Sumqayıt" ın uğur qazanması daha çox "Neftçi" - "Sabah" qarşıdurmasının nəticəsindən asılı olacaq".
Mütəxəssis "Neftçi" - "Sabah" görüşü barədə ayrıca danışmağı lazım bilib: "Hadisələrə real yanaşsaq, "Sabah" heyətinə görə ancaq "Qarabağ"dan geri qalır. Masazır təmsilçisinin heyətində keyfiyyətli oyunçular çoxdu. Sadəcə, onlar mövsümdə qeyri-sabit çıxış etdilər. Nəticədə Murad Musayev postundan getdi. Onu əvəz edən xorvatiyalı komandanı sirkələyə bildi. "Sabah" çempionatda "Qarabağ"ı məğlub etdikdən sonra özünə gələ bildi. Hazırda onlar yaxşı formadadı. Odur ki, "Sabah" qələbə üçün son saniyələrə kimi döyüşəcək. "Nefçi" bu mövsüm heç də arzuolunan kimi çıxış etmədi. Hətta azarkeşlərin çoxu komandadan üz döndərib. Ölkənin köklü klubuna belə çıxış yaraşmır. Biz həmişə "ağ-qaralar"ı çempionluğa iddialı kimi görməyə alışmışıq. Bir ildə 2 baş məşqçi dəyişikliyi düzgün deyil. Bojoviçin postunda qalıb-qalmayacağı barədə nəsə deyə bilmərəm. Amma bir reallıq budu ki, "Neftçi" böyük uğurlarını yerli məşqçilərin sayəsində qazanıb. Kimin şübhəsi varsa, statistikaya göz gəzdirsin".
ABDULLA İSMAYILOĞLU
