Adrian Mutu Azərbaycandan gələn zənglərə niyə cavab verməyib?
UEFA Avropa Liqasının Liqa mərhələsi çərçivəsində baş tutmuş "Qarabağ" - FCSB oyunundan əvvəl azərbaycanlı bir neşə idman jurnalisti "Neftçi"nin rumıniyalı sabiq baş məşqçisi Adrian Mutuya müraciət edib. Sport24.az xəbər verir ki, mütəxəssis bu barədə yerli "Fanatik" nəşrinə açıqlamasında bildirib. Mutu media nümayəndələrinin qarşılaşmadan əvvəl rəqib haqqında məlumat əldə etmək istədiklərini, lakin onların zənglərinə cavab vermədiyini bildirib: "Bir neçə nəşr FCSB haqqında məlumat almaq üçün zəng vurub. Hamısından imtina etdim. Çünki FCSB haqqında danışmaq mənim işim deyil. Onlar haqqında xarici mətbuata məlumat verə bilməzdim". Qeyd edək ki, qarşılaşma Rumıniya klubunun qələbəsi ilə yekunlaşıb - 3:2.
Sport24.az
