Sport24.az
"Sumqayıt"la uzunmüddətli müqavilə imzalamışıq". Bu sözləri Sport24.az-a açıqlamasında "kimyaçılar"ın akademiyasının koordinatoru postuna təyinat alan Adil Şükürov deyib.
O, "Sumqayıt"dan gələn təklifin onu cəlb etdiyini bildirib:
"Bildiyiniz kimi, "Sumqayıt" yerli futbolçulara ən çox üstünlük verən komandadır. Bu da ölkə futbolu üçün önəmlidir. Hədəfim akademiyanı daha da inkişaf etdirmək və gələcək üçün oyunçu yetişdirməkdir. İnanıram ki, Azərbaycan futboluna töhfə verəcəyik".
Qeyd edək ki, Adil Şükürov son olaraq "Səbail"in baş məşqçisi olub.
Xatırladaq ki, "Sumqayıt" akademiyasına son 7 ildə Hakan Sunal rəhbərlik edirdi.
