Idman.biz
İtaliya A Seriyası mövsümünün 32-ci turunun "Atalanta" və "Yuventus" komandaları arasında keçirilən oyun başa çatıb.
İdman.Biz xəbər verir ki, komandalar Berqamodakı "Stadio Jewiss - Atleti Azzurri d'Italia" stadionunda qarşılaşıblar.
Oyun qonaq komandanın 1:0 hesablı qələbəsi ilə bitib.
Matçın yeganə qolunu Jeremi Boqa vurub. Turin yarımmüdafiəçisi ikinci hissənin əvvəlində, 48-ci dəqiqədə qol vurub.
"Atalanta" hazırda İtaliya çempionatının turnir cədvəlində 32 oyundan 53 xalla yeddinci yerdədir. "Yuventus" isə 60 xalla dördüncü yerdədir.
22:06
İtaliya A Seriyası mövsümünün 32-ci turunun "Milan" və "Udineze" komandaları arasında oyunu başa çatıb.
Komandalar Milandakı "San Siro" stadionunda qarşılaşıblar. Oyun qonaq komandanın 3:0 hesablı qələbəsi ilə başa çatıb.
Ev sahibi komandanın müdafiəçisi Davide Bartezagi 26-cı dəqiqədə avtoqol edib. Yarımmüdafiəçi Yürgen Ekkelenkamp 37-ci dəqiqədə "Udineze"nin üstünlüyünü artırıb. İkinci hissədə qonaq yarımmüdafiəçi Artur Atta 71-ci dəqiqədə sonuncu qolu vurub.
"Udineze" hazırda 32 oyundan 43 xalla Seriya A turnir cədvəlində 10-cu yerdədir. "Milan" isə 63 xalla üçüncü yerdədir.
19:15
İtaliya A Seriyasının 32-ci turunda "Torino" evdə "Verona"nı 2:1 hesabı ilə məğlub edib.
Covanni Simeonenin (6-cı dəqiqə) və Çezare Kasadeinin (50-ci dəqiqə) qolları ev sahiblərinin qələbəsini təmin edib. Qonaqların qollarını Kieron Boui vurub (38-ci dəqiqə).
"Torino" (39 xal) A Seriyasında 12-ci yerdədir. "Verona" ardıcıl dördüncü məğlubiyyətini aldı və 18 xalla turnir cədvəlində 19-cu yerdədir.
Paralel matçda "Kalyari" evdə "Kremoneze"ni 1:0 hesabı ilə məğlub edib.
