Idman.biz
İtaliya A Seriyasının 2025/2026 mövsümünün 25-ci turu çərçivəsində keçirilən "Napoli" - "Roma" matçı başa çatıb.
İdman.Biz xəbər verir ki, qarşılaşmada 2:2 hesablı heç-heçə qeydə alınıb.
Yeddinci dəqiqədə Doniell Malen romalıları hesabda irəli çıxarıb. 40-cı dəqiqədə Leonardo Spinatsola cavab qolunu vurub. 71-ci dəqiqədə Malen penaltini dəqiq yerinə yetirərək "Roma"nın bu oyundakı ikinci qoluna imza atıb. 82-ci dəqiqədə isə Alisson Santos hesabda tarazlığı bərpa edib.
Bu nəticədən sonra "Napoli" 50 xalla turnir cədvəlində üçüncü pillədə qərarlaşıb. "Roma" isə 47 xalla dördüncü yerdədir.
Növbəti turda neapollular fevralın 22-də səfərdə "Atalanta" ilə qarşılaşacaq. "Roma" isə həmin gün öz meydanında "Kremoneze"ni qəbul edəcək.
23:25
"Bolonya" İtaliya A Seriyasının 25-ci turunda səfərdə "Torino"ya qalib gəlib — 2:1.
İdman.Biz xəbər verir ki, oyunun 49-cu dəqiqəsində Nikola Vlaşiç topu öz qapısına göndərib. 13 dəqiqə sonra isə topu rəqib qapısına vuraraq hesabı bərabərləşdirib.
Qonaqların qələbə qolunu 70-ci dəqiqədə Santyaqo Kastro vurub.
"Bolonya" 33 xalla dörd məğlubiyyət seriyasına son qoyaraq səkkizinci pilləyə yüksəlib. "Torino" isə 27 xalla turnir cədvəlində 14-cü yerdədir.
20:32
İtaliya A Seriyasının 25-ci turunda "Parma" "Verona"nı məğlub edib - 2:1.
İdman.Biz xəbər verir ki, meydan sahibləri hesabı erkən açıb. Dördüncü dəqiqədə Adrian Bernabe fərqlənib. Yeddi dəqiqə sonra isə qonaqlar çətin vəziyyətə düşüblər – Qift Orban qırmızı vərəqə alaraq komandasını azlıqda qoyub.
43-cü dəqiqədə Abdu Arrui penaltidən hesabı bərabərləşdirib.
Görüşün taleyini isə sonluqda vurulan qol həll edib. Mateo Peleqrino "Parma"ya qələbə qazandırıb.
Qələbə sayəsində "Parma" xallarını 29-a çatdırıb və turnir cədvəlində 12-ci pilləyə yüksəlib. "Verona" isə 15 xalla sonuncudur.
Paralel oyunda "Kremoneze" ilə "Genoa" qalib müəyyənləşdirə bilməyib – 0:0. Hər iki komandanın 24 xalı var və 15-16-cı yerləri bölüşdürürlər.
17:48
İtaliya A Seriyasının 25-ci turunda "Udineze" öz meydanında "Sassuolo"nu qəbul edib.
İdman.Biz xəbər verir ki, ev sahibləri hesabı erkən açıblar. 10-cu dəqiqədə Yurgen Ekkelenkampın ötürməsindən sonra Umar Sole fərqlənib.
Fasilədən sonra qonaqlar oyunun gedişini qısa müddətdə dəyişiblər. Əvvəlcə Arman Loryente tarazlığı bərpa edib, növbəti hücumda isə Andrea Pinamonti Ulisses Qarsiyanın ötürməsini başla tamamlayaraq komandasını önə keçirib - 2:1.
"Udineze" künc zərbəsindən sonra Nikolo Bertola ilə qol vursa da, epizod əl oyunu səbəbindən ləğv edilib.
Bu nəticədən sonra hər iki komandanın hesabında 32 xal var və onlar turnir cədvəlində 10-cu pilləni bölüşürlər.
