Qol.az
Donetskin "Şaxtyor" klubu 21-ci əsrdə ilk dəfə Çempionlar Liqasında iştirak etməyəcək.
QOL.az xəbər verir ki, Ukrayna Premyer Liqasının 27-ci turunda Kiyev "Dinamo"sunun "İnqulets" üzərində qələbəsindən (4:0) sonra "Şaxtyor" çempionluq üçün riyazi şanslarını itirib.
"Dinamo"nun 67 xalı var və çempionatın bitməsinə 3 tur qalmış liqaya başçılıq edir. "Şaxtyor" isə 57 xalla 3-cü yerdədir.
Beləliklə, mədənçilər 1999/2000 mövsümündən sonra ilk dəfə Çempionlar Liqasında oynamayacaqlar.
Donetsk təmsilçisi 21-ci əsrdə Çempionlar Liqası yarışına çempion və vitse-çempion kimi qatılıb.
Əvvəlki mövsümlərdən fərqli olaraq bu dəfə isə Çempionlar Liqasında (ikinci təsnifat mərhələsindən) yalnız Ukrayna Premyer Liqasının qalibi iştirak edəcək.
Qeyd edək ki, hazırda Ukrayna Premyer Liqasında 2-ci pillədə 60 xalı və ehtiyatda bir matçı olan "Oleksandriya" qərarlaşıb.
