Idman.biz
"Mersedes" komandasının rəhbəri Toto Volff komandasının britaniyalı pilotu Corc Rasselin Sinqapur Qran-prisində qalib gəlməsini şərh edib.
İdman.biz "Autosport"a istinadla xəbər verir ki, Volf Sinqapurdan qalibiyyət əldə edəcəklərinə inanmayıb:
"Mersedes" bu sürəti haradan əldə edib? Siz mənə deyin. Sinqapur heç vaxt aerodinamik baxımdan bizim üçün xoş yer olmayıb. Mənə desəydilər ki, bugünkü kimi dominantlıq edəcəyik, mən buna inanmazdım".
Volff "Mersedes"in sürprizlərinə heyrətini də gizlətməyib:
"Bu maşınlar sürpriz qutusudur. "Maklaren"dən son üç yarışın niyə alınmadığını soruşsanız, yəqin ki, cavab verməkdə çətinlik çəkəcəklər. Maks (Ferstappen) geri döndü və yenə tempi çatmadı. Eyni şey "Ferrari" üçün də keçərlidir".
"Formula-1" Sinqapur Qran-prisi yarışının qalibi "Mersedes" komandasının pilotu Corc Rassel olub. Maks Ferstappen ("Red Bull") yarışı ikinci, Lando Norris ("Maklaren") isə üçüncü yerdə tamamlayıb.
