Idman.biz
2016-cı ilin dünya çempionu Niko Rosberq "McLaren" pilotu Lando Norrisin karyerasını bitirmə ehtimalını qiymətləndirib.
İdman.Biz bildirir ki, Norris bu il çempion titulunu qazanıb.
"2016-cı ildə hələ Əbu-Dabi Qran-prisində karyeramı bitirmək qərarına gəldim. Hər kəs öz bildiyi kimi edir. Özümü karyeramın zirvəsində hiss etdim və zirvədə onu bitirməyə qərar verdim. Uzun karyeradan sonra bu, çox gözəl bir an idi. Şəxsən mənim üçün bu, həqiqətən də düzgün qərar idi. Bilirəm ki, Hemiltonla əla rəqabətimizə görə çoxları məyus oldu.
Amma əminəm ki, Lando belə bir ssenarini düşünmür. O, hələ də qarşıda bir çox əla mövsümlərin olduğunu fikirləşir. Əlbəttə ki, o, mənim o vaxtkı dövrümdən daha gəncdir. Hər kəsin öz yolu var", - deyə PlanetF1 Rosberqin sözlərini sitat gətirir.
![18 yaşlı pilot Freddi Sleyter \"Audi\" üçün Formula 1-də debüt edəcək](https://sportnews.az/storage/thumbs/list/a0fa4496-3f2a-478f-870e-bfebd93e3fde.webp "18 yaşlı pilot Freddi Sleyter \\"Audi\\" üçün Formula 1-də debüt edəcək")
