Idman.biz
"Maklaren"in avstraliyalı pilotu Oskar Piastri Azərbaycan Qran-prisi üçün cümə gününun nəticələrini şərh edib.
İdman.biz bildirir ki, Piastri ən yaxın izləyicisi Lando Norrisi 31 xal qabaqlayaraq dünya çempionatına başçılıq edir.
"Çətin gün idi. Çoxlu eniş-yoxuşlar oldu. Bizim tempimiz var. Sadəcə olaraq, maşından maksimum fayda əldə etmək çətin idi. Bu günün əsas nəticəsi budur.
İkinci testdə bir neçə şeyi sınadıq. Sabah nəyi dəyişə biləcəyimizi görəcəyik. Təkər seçimi bir az fərqli olacaq. Yəqin ki, bu gün çox müsbət məqamlar var idi. Lakin bir neçə çətin anlar da oldu", – "Crash" Piastridən sitat gətirir.
Qeyd edək ki, Azərbaycan Qran-prisi sentyabrın 21-də başa çatacaq.
İdman.biz
