Idman.biz
Karlos Sayns Azərbaycan Qran-prisində sıralama turunu ikinci pillədə başa vurub və bu mövsüm ilk dəfə birinci cərgədən start götürəcək.
İdman.biz-in məlumatına görə, "Uilyams" komandasının sürücüsü sessiyanın nəticələrindən razı qaldığını etiraf edib və komandanın sağlam strateji qərarlarını yüksək qiymətləndirib.
"Biz həmişə doğru zamanda yola çıxırıq və düzgün təkərlər seçirik. Nəticədə mən çox yaxşı vaxt göstərə bilirəm. Bəli, ən yaxşı komandalar adətən dörd-beş millisaniyə daha sürətli olurlar, lakin bu gün bizi yalnız Maks qabaqladı. Bu, əla xəbərdir", - Saynz deyib.
İspan pilot hazırkı nəticənin FW47-nin potensialının sübutu olduğunu vurğulayıb: "Biz bir daha göstərdik ki, bolidimiz sürətlidir. Təəssüf ki, yarışlar heç də həmişə istədiyimiz kimi getmir, amma xal qazana biləcəyimə əminəm".
Saynz sabahkı yarışla bağlı gözləntilərini də bölüşüb: "Sabahın planı qabaqda qalmaq və "Uilyams" bolidində ilk dəfə olaraq ilk üçlükdə bitirməyə çalışmaqdır. Əgər alınsa, əla; olmasa, nəyə nail olacağımızı görəcəyik".
İdman.biz
