Idman.biz
"Formula-1", çempionata 11-ci komanda olan "Kadillak"ın gəlməsi ilə əlaqədar 2026-cı il mövsümünün təsnifat formatını dəyişməyi planlaşdırır.
Bu barədə İdman.biz "GPBlog"a istinadən xəbər verir.
Mənbənin bildirdiyinə görə, 2026-cı il mövsümündə birinci təsnifat seqmentinin sonunda son illərdə mövcud olduğu kimi beş deyil, altı pilot yarışdan kənarlaşdırılacaq. Eyni şey ikinci təsnifat seqmentinə də aiddir.
Bu arada, 10 ən sürətli pilot üçüncü seqmentdə poul mövqeyi uğrunda mübarizəni davam etdirəcək.
Xatırladaq ki, 2016-cı ildə "Formula-1"də 11 komanda mübarizə apararkən analoji təsnifat formatından istifadə olunub.
