Idman.biz
Gələn mövsümdən etibarən "Formula-1" komandalarının xərcləmə limiti 135 milyon dollardan 215 milyon dollara yüksəldiləcək.
İdman.biz xəbər verir ki, bu qərar 2026-cı ildə qüvvəyə minəcək yeni texniki reqlamentə hazırlıqla bağlıdır.
Turnirdə Sauber bazasında debüt edəcək "Audi" komandası üçün limit bir qədər yüksək olacaq. Səbəb İsveçrədə əməkhaqlarının Böyük Britaniya və İtaliyada yerləşən rəqiblərlə müqayisədə daha yüksək olmasıdır.
Eyni zamanda, əvvəlki istisnalar qüvvədə qalır: pilotların maaşları və komandanın ən yüksək məvacib alan üç əməkdaşının xərcləri büdcə limitinə daxil edilmir.
FIA-nın maliyyə qaydaları üzrə direktoru Federiko Lodi bildirib ki, bu, kapitalın artırılması deyil, sadəcə hesablanma metodunun yenilənməsidir.
