Idman.biz
"Formula-1" yarışlarının britaniyalı pilotu Corc Rassel dəfələrlə "Mersedes"in müqavilənin uzadılması təklifini rədd edib.
İdman.biz "Racingnews365"ə istinadla xəbər verir ki, buna səbəb Rasselin təkliflərdə irəliləyiş görmək istəyidir.
"Rassell "Mersedes"dən çoxsaylı təkliflər alıb, lakin hər dəfə onları rədd edib. İndiyə qədər aldığı təklifləri nəzərə alaraq, o, bir neçə sahədə irəliləyiş görmək istəyir. Söhbət, məsələn, müqavilənin müddəti, həmçinin reklam günlərinin sayından gedir. Axı, bir qayda olaraq, pilot komandada nə qədər çox qalırsa, konsentrasiyasını və formasını saxlaması üçün onun maaşı bir o qədər yüksək, reklam günləri isə bir o qədər qısa olmalıdır.
Eyni zamanda, hər kəs hələ də başa düşür ki, müqavilənin uzadılması qaçılmazdır, çünki hər iki tərəfin başqa seçimi yoxdur. "Mersedes" Rassel üçün 60 reklam günü saxlamaq niyyətindədir. Lakin britaniyalı pilot bu rəqəmin daha da azaldılmasını istəyir", - məqalədə deyilir.
