Report.az
Azərbaycan Velosiped İdmanı Federasiyasının (AzVİF) məşqçisi Elgün Əlizadə İsveçrənin Eqle şəhərində keçirilən "UCI Level 2" məşqçilik kursunu uğurla başa vurub.
Bu barədə "Report"a AzVİF-dən məlumat verilib.
Beynəlxalq Olimpiya Komitəsinin Olimpiya Həmrəyliyi Fondunun dəstəyi ilə təşkil olunan kurs çərçivəsində Elgün Əlizadə beynəlxalq səviyyədə nəzəri və praktiki biliklərini artıraraq mühüm təcrübə qazanıb. O, proqramı uğurla tamamlayaraq müvafiq sertifikatla təltif olunub.
Kurs müddətində məşqçi fiziologiya, psixologiya, qidalanma və performans analizi kimi mühüm sahələr üzrə dərslərdə iştirak edib. Bununla yanaşı, mexaniki biliklərini də təkmilləşdirərək velosipedlərin texniki baxışı üzrə bacarıqlarını artırıb.
